موضوع عن جهاز التقشير الكريستالي في المنزل – جهاز مميز فعلاً
جمعت لكم تجارب جهاز PMD جهاز التقشير الكريستالي المنزلي، والبديل الأمثل لتقشير العيادات المرتفع التكلفة.
تجارب اليوم مفصلة ودقيقة، وما اعتقد بتحتاجي تبحثي عن تجارب غيرها عشان تاخذي قرار.
بدايةً: جهاز بي ام دي pmd هو جهاز خاص بالتقشير الكريستالي ولكن في المنزل، وبنتائج ممتازة يإعادة النضارة لبشرتك، وتقشير الوجة والتخلص من الجلد الميت والسماح للبشرة بإمتصاص السيروم والكريمات بشكل افضل، مما يعود على البشرة بالنضارة والحيوية والنعومة.
وللي بيسأل من فين احصل على الجهاز موجود على امازون من هذا الرابط النوع الكلاسيكي 159$، او النوع الاحترافي 229$ من هذا الرابط
تجربة Esraa Josef على مدونتها الشخصية عن تجربتها مع جهاز PMD للتقشير في المنزل:
بختصر لكم التجربة واذكر لكم مقدمة كلامها والنتائج اللي حصلت عليها، ورأيها في الجهاز، وفي رابط بعد الكلام للي يحب يقرأ الموضوع كامل على مدونتها الشخصية.
تجربتي مع جهاز PMD للعناية بالبشرة
2 يونيو 2015 by ESRAA1987 السلام عليكمقبل فترة اقترحت علي صديقة لي جهاز اسمه “PMD” لتقشير البشرة أو تنعيمها، وقالت لي انه في البداية ما أثر فيها لكن بعد ما صابتها حساسية من نوع أكل وكثرت الحبوب في وجهها، استخدمت الجهاز وبين الفرق مباشرة. فاشتريته.
النتائج: المفروض تشوفين نتائج لحظية سواء النعومة أو النضارة أو اختلاف لون الندبات وآثار الحبوب ولو لدرجة بسيطة. عن نفسي فعلا أحصل على نتائج وخصوصا النعومة والنضارة، الفرق واضح، أما بالنسبة للباقي فما أقدر أحكم لأني ما أستخدمه بشكل أسبوعي، أحيانا أسوي أشياء ثانية بوجهي وماودي أكثّر عشان ما تطلع لي الحبوب الي راسها أبيض والي حسب ما قريت في كثير أحيان تكون من المبالغة في التقشير والتنظيف (Over exfoliating).
والصدفة إني صابتني حساسية أكل مرة، وامتلا وجهي حبوب وصار جاف ويتهيج من الكريمات العادية الي أستخدمها دايم، انتظرت أسبوع إلين خف التهيج وجفّت الحبوب، والبشرة كلها كانت جافة جدا، واستخدمت الجهاز وكان الفرق واضح والنتيجة ممتااازة.
هل ندمت إني شريته؟ وهل أنصح فيه؟ ما ندمت اني شريته وبالعكس سعيدة فيه، لكن أتحسف ع الوقت الي يقعد ما أستخدمه فيه لأن بشرتي وقتها ما تحتاج وماودي أخرّب على نفسي وأبالغ، وإنتي الحكم إذا تحتاجينه أو لأ، إذا جفاف بشرتك كبير بيفيدك، إذ عندك بقع جافة في أماكن متفرقة أو كلف (Dry Patch) بيفيدك خصوصا إذا ماودك تدخلين دوامة التقشيرات الكيميائة أو الي تحتاج عناية ووقت وواقي شمس، أو إذا كانت بشرتك باهته وودك نضارة وماتحبين تستخدمين طرق أخرى تاخذ وقت مثل الكريمات والخلطات.
ميزته إنه يقعد لك على المدى البعيد، مايتطلب إلتزام تام عشان تحصلين على نتائج وممكن يقلل الخطوط الرفيعة (ماعندي فما أقدر أحكم) لكن حسب الفيديوات الي شفته في ناس أطروا عليه من هالناحية، والموقع نفسه ذكر هالشي كأحد الفوائد.
هذا الموقع الخاص فيهم getpmd.com وتقدرون تشوفون فيه صور قبل وبعد الاستخدام لناس جربوه وانتظموا وكتبوا آرائهم، كمان المنتج تكلموا عنه مجلات ومواقع جمال وحصل على جوائز.
لكن مرّة ثانية الأشخاص هذولي ممكن يسوقون للجهاز وممكن الوقت والعناية الدائمة هو الي تسبب بتحسّن بشرتهم على المدى البعيد، مو الـ PMD تحديدا، ماقدر أحكم، لكن الأكيد إنه يعطي نتائج فوريّة تستمر لأسبوع تقريبا وممكن أكثر.
تجربة Hoza على موقعها الشخصي عن تجربتها مع جهاز PMD للتقشير في المنزل
جهاز PMD التقشير الكريستالي المنزلي
السبت، 11 يونيو 2016
بنسبة لتجربتي مع المنتج اول حاجة بنسبالي السبب الرئيسي لاستخدامه هو توحيد لون البشرة
( يعني هذا احد منتجات التفتيح اللي استخدمتها )
اول حاجة لاحظتها على طول بعد الاستخدام النعومة ، نعومة بشكل لا يوصف
تحسي البشرة كدة طبقة وحدة مافيها تعرجات (مطبات) (^^)
بعد الاستخدام الاول و في خلال الاسبوع الاول كدا تصحي الصباح كل يوم و بشرتك احسن من اليوم اللى قبله
و الله من غير مبالغة ، لانو خلال الاسبوع بعد الجلسة البشرة تبدا ترمم نفسها
تحسي بشرتك حيوية صحية
بنسبالي انا ابغا توحيد لون تصبغات اثار الحبوب ، و الله ياجماعة مرة يخففها بشكل خيال
و كل حاجة تستخدميها مع المنتج فعلن يكون بفاعلية اكثر
كمان الجهاز سار يحافظ على توازن البشرة من الدهون ، و الله يا جماعة انو لما استخدم الجهاز
ما تطلعلي حبوب الا فين و فين ! منتج جميل
عن نفسي اعشق التقشير ، لكن اكره التقشير الكميائي بسبب ان يحتاج وقت نقاهة مع انه اقوي
يعني ما تقدري تعمل تقشير كميائي و بعدها تروحي عزومة او زواج ، لازم قبلها بشهر اقل شي
اما التقشير الكريستالي قبلها بيوم و انتهينا ، لا وقت نقاها و لا يحزنون (^^)
شايلة هم اذا خلصت الروؤس ، ابغا اشتري بسرعة ، و الله ما اقدر اعيش من غيره
مع الجهاز اشتريت الروؤس الحمراء ، ايام ما اشتريت الجهاز ، كانت الروؤس الحمراء هي اقوي شي
حاليا اتوقع السوداء اقوى شي
المهم اني اخدت الروؤس الحمرا بس لسة ما استخدمتها الى الان
بس اجربها راح انزل تحديث هنا
تحديث: اليوم تاريخ ٢٧ اكتوبر ٢٠١٦ و تحديث عن الروؤس الحمراء
باختصار قوية قوية جدا ، اذا ما تعرفي تستخدميها راح تعمليك علامات (^^*)
اول ما جربتها كنت في بيت اهلي ، المهم على الساعة ٧ صباح جاية ابغا استخدمها افتكر دا الكلام كان في العشر الاوخر في رمضان المهم دجين انا متعودة على الروؤس اللي قبلها فعادي استخدامها و انا مغمضة (^^)
كانت الساعة ٧ صباح في غرفة اختي و بتجهز للنوم قمت شغلتها و استخدمتها في الظلام و عادي كملت يومي و حطيت كريماتي و نومت
على الفطور اخواتي مفجعوني و يطالعو فيا !! يقولولي اشبك و انا مستغربة اقولهم اشبي ؟!! مساكين ماهم عارفين يركبو السبب مع المسبب هههههه يقولولي و جهك في شي ! شايفين علامات على وجهي بس ماهم عارفين السبب !! و مستغربين لانهم متاكدين انو انا ماسرلي حاجة تستدعى الشي اللي على و جهي لانهم طول الوقت معايا و ماهم عارفين السبب ، ههههههه حاسو هههههه
المهم انا قمت على المراية و اشوفلكم الصدمة !!!! تخيلو خطوط افقية على و جهي هههههههههههههه
عشان افهمك اكثر و ياليت اوصلكم الصورة صح دحين انتي لما تستخدمي الجهاز تستخدمي على شكل خطوط افقية زي ما قولت سابقا
المهم لما تستخدمي على منطقة يتغير لونها بسسب التقشير كدا يفتح درجة عن اللي لسة ما سويتها فانا سار وجهي سطر و سطر لا ههههه سطر سويته و فوقه سطر ما سويتها و فوقها سطر سويته و هكذاهههه بسبب الظلام في اماكن عملتها و اماكن لا ، و العادة مع الروؤس الثانية ما يبان قد كذا فوجهي سار خطوط و الله هههههههيعني الجهاز مرة مرة قوي اي غلط راح يبين على وجهك او جسمككمان انا كنت احسب نفسي اعرف استخدمه ، طلع انو انا مرة بطيىة في الاستخدام يعني يعلم او يطبع دائرة في بداية كل خط لو ما كونتي سريعة ، حوسة و الله ههههههههفراح يعلمك اخطائك مظبوط (^^)بنسبة للعلامات جلست تقريبا ٤ الى ٥ ايام باينة (^^)و رائي الاخير في الروؤس الحمراء انو حلو تاخديها و تجربيها لكن مو كا استعمال اسبوعي دائم ! يعني مثلا تستخدميها شهر كل اربع او سته شهور حلوو بنسبالي ما اشوف فيها اي عيب ، بس يبغالك تعرفي كيف تستخدميها و تكوني سريعة و اهم شي تستخدمي في النور ههههه (^^)و لا تنسو تاخدو النسخة الانترناشنل من الجهاز و بكدا خلص التحديث .
عن نفسي انصح الكل يستخدمها ، صحيح سعرها غالي لكن راح تطلعي حقها في بشرتك
لكن اذا كنتي ما تحبي التقشير الكريستالي ، لا تاخديها
يمديكي تشوفي كثير صور و فيديوهات في اليوتيوب عن قبل و بعد تجربة الجهاز
ماذا أضاف جهاز PMD لبشرتي خلال استخدام دائم لأكثر من عام ؟!
الإجابة بإختصار :
ملمس بشرة ناعم و أملس ، الإستفادة الكاملة من منتجات الترطيب و العلاجات الموضعية .
و بشرة مشرقة .
كثير أسئلة و استفسارات تجي على هل الجهاز يشيل أثر الحبوب ؟ هل الجهاز يحسن البشرة المتضررة أفضل من أجهزة العيادة ؟
هل الجهاز يغني عن علاجات حب الشباب و يتخلص منه نهائيًا ؟
و غيرها كثير من الأسئلة العجيبة !!
للأسف هالجهاز ماينفع لوحدة متأملة أنه الحل السحري الوحيد لمشاكلها، تصحى شوي و تعطي بشرتها شوية اهتمام و متابعة ، صفاء البشرة و التخلص من مشاكلها يجي بالصبر بنظام عناية و اهتمام و متابعة عند طبيبك ، لا تغريك الدعايات و أساليب التسويق اللي تتبعها الشركات ، مهما كانت فائدة منتجاتها يظل يهمها المرود المادي ، فخليك انسانة واعية و لا تنجرفي مع أي هبة جديدة أو حملة تسويقة ، أقرئي و أطلعي و الأهم أسألي نفسك هل أنتِ محتاجة لهذا المنتج الآن أو أنه مجرد شيء كمالي ؟!
بالنسبة لجهاز الـ PMD لما بحثت عنه قبل اقتنائي له ، كانت الأقوال متضاربة .
فيه من يمدحه ويحسسك انه السر المخفي اللي يهدد العيادة و فيه من قال ماله أي فائدة ، و المحتوى العربي كان فقير بالمعلومات عنه .. لقيت تدوينتين هيا فقط اللي استفدت منها و كان الوصف و تقييم الجهاز دقيق ، من خلالها قررت اقتني الـ PMD
لا أخفيكم كنت رافعة سقف توقعاتي و متحمسة جدًا له .
بعد أول تدوينة من السلسلة فهمت هو يركز على ايش بالضبط و الفوائد الفعلية المتوقعة ، و أذكر كتبت لكم أنه يحتاج للصبر و طولة البال .. النتائج ما تطلع بشكل سريع .
عمومًا هو جهاز للإستعمال المنزلي فأكيد خصائصه بتكون محدودة و متناسبة مع معظم البشرات .
الـ PMD أفادني في :
1 – تنعيم سطح البشرة و التخلص من كل القشور و الأوساخ المتراكمة على سطح البشرة ، فكانت النتيجة مسام نظيفة و ملمس بشرة ناعم .
2 – يساعد في الحفاظ على بشرة مشدودة و بالتالي خطوط أقل ، أما البشرة المتقدمة في العمر فيحسن من مظهرها و لكن لا يقضي على التجاعيد و ليس حلاً لها .
3 – فعالية منتجات البشرة و وضوح النتائج المرجوة منها بعد إستعمال جهاز التقشير .
4 – يخفف من مظهر الشوائب و البقع و لكن مع نظام عناية مدروس للتخلص منها بشكل نهائي ” و يفضل استشارة طبيبك في هذا النظام ، لأنه الأخبر في مكونات المنتجات و الأحرص في عدم حصول تعارض بينها ” .
صدقًا بشرتي تحسنت للأفضل بعد اقتناء الجهاز ، صحيح هو كان إضافة بسيطة في روتين العناية الأسبوعي لكن مع تقنين المنتجات و تحديد نظام عناية يركز على حل مشاكل البشرة .. حصلت على نتائج أفضل من المتوقع في نهاية العام .
الأشهر الأخيرة الماضية كنت أستخدم الأقراص الحمراء و هي الأخشن بين الأقراص المخصصة للوجة .
في هالمرحلة لاحظت المفعول الحقيقي للتقشير، صحيح أشد من قبل لكن أكثر نفعًا من ناحية الروؤس السوادء.
من الفوائد المترتبة على استخدامي للجهاز صرت ما استخدم إلا كمية أقل من الأساس و المكياج يكون نضّر ما يحتاج مني خطوات كثير أو منتجات تصحيح أخرى .
شيء وحيد هو اللي ماشفت عليه تأثير كبير ” الندوب “
نعم التأثير يكاد يكون معدوم ، لا أنكر لاحظت تحسن على بعضها لكن مو بالشيء المأمول .
عمومًا مشكلة الندوب تظل شيء صعب و له علاجات في العيادة قد تنفع معه ، لكن كل ما طال عمر الندوب كل ماصعب علاجها .
خلاصة الأمر الجهاز ساعد في حل مشاكل بشرتي بـ 50% و الخميسن الأخرى كانت لنظام العناية المكمل لفعالية الجهاز .
السؤال اللي يوجه لي دائمًا هل تنصحيني اشتريه ؟! هل ينفع لبشرتي ؟!
أنا مو خبيرة في بشرتك و لا طبيب يمكن استشارته ، أنتِ الأعرف ببشرتك و لو احتجي استشارة الأفضل توجيها إلى طبيب.
تجربة على اليوتيوب: تجربتي مع جهاز pmd للعناية بالبشرة Personal Microderm PMD Review
تجربة AURA على موقعها الشخصي مع جهاز التقشير الكريستالي pmd:
المقشّر العميق البي ام دي .. ليش كرهته و ليش حبيته 💕
بواسطة AURA
السلام عليكم و رحمة الله وبركاته
كثير .. و أقصد كثيرر تفاعلوا معي لما تكلمت عن البي ام دي .. فيه اللي سبّوه و انه ضياع فلوس و ناس متحمسين يشوفون ايش رايي
ف خلينا نشوف ايش رايي بالتفصيل
أولاً
خل اقول لكم قصتي معه
أنا شاريته من 5 سنين .. زمان زمان .. جربته مرتين و رميته كم شهر .. الصدق كرهته بشكل .. بقّع لي وجهي و حسيته مره ماينفع!
الصدق! ماكنت عارفه وش سالفته بالضبط مع اني شفت فيديوات كثير
بس بعدين عرفت شي مهم! لازم تتمرنين عليه و تاخذ يدك على قوته .. لانه قوي ! يعني تخيلوا يشفط بشرتك لجوا عشان يشيل لك طبقه منها وينظفها تنظيف عميق ! يعني شي يبيله شوي تركيز
و يناسب الشخصيات اللي تحب تهتم بنفسها بالبيت ! يعني اللي تحب تروح تنظف بشرتها دايم برا و لاتحب تحوس بنفسها أبداً ما أنصحها تشتريه
أما اللي تبي اهتمامها بنفسها يجي من عندها و بجهدها
بعد فتره طويله .. أنصحك فيه .. يعني اذا عندك مبلغ وحابه تستثمرينه ب شي ينفعك .. اقول لك ايه .. خذيه ..
انا اخذته ب 700 في فتره كانوا مخفضين عليه
—–
رأيي:
ما آنصح فيه للي ماتقدر تدفع هالمبلغ بسهوله .. و للي ماعندها مشاكل كثير في بشرتها .. وما انصح فيه للبنت الي ماتحب تحوس في نفسها بالبيت
أنصح فيه للبنت اللي عندها كذا مبلغ وحابه توفر روحاتها للمركز عشان تنظف كل شهر .. للي تحب العنايه المنزليه .. للبنت المغامره 🙂 و للي تشتكي من الرؤوس السوداء
الجهاز سبب لي علامات لاني للحين اغلط غلطات بسيطه َ! بس كلها يومين و يروح ! بس لتنظيف الرؤوس السوداء هذا حبيبي اللي ما استغني عنه !
يارب يكون هالبوست مفيد .. واستفدتوا منه لو شوي
حبيت اكون صريحه ! مو كل شي تدفعين فيه و بس .. حبيت اشرح لكم وجهه نظري بكل جديه
من موقع امازون